Dam olish kunlari O‘zbekiston bo‘ylab iliq harorat saqlanib qoladi. Havo o‘zgarib tursada, yog‘ingarchiliklar kuzatilmaydi.
O‘zgidromet markazi xabariga ko‘ra, 12-13 noyabr kunlari Toshkentda havo harorati +18 +20 darajagacha ko‘tariladi, kechasi +5 +7 darajani tashkil etadi.
Qarshi va Termiz shaharlarida harorat kunduzi +23 daraja iliq, Navoiy va Buxoroda +21 daraja iliqga yetadi.
Respublikaning boshqa viloyatlari bo‘yicha havo harorati kunduzi +15 +20 daraja iliqni tashkil etishi kutilmoqda.