Мамлакатимиз ҳудудида туғилган чет эл фуқаросига суюнчи пули бериладими?
8.12.2022 15:26,
74
– Чет эл фуқароси Ўзбекистон Республикасида вақтинча рўйхат (прописка)да турган бўлса ва шу давр мобайнида унинг фарзанди Ўзбекистонда туғилган тақдирда, бола туғилганда бериладиган бир марталик нафақа (суюнчи пули) бериладими?
– Ўзбекистон Республикасида доимий яшаб турган чет эл фуқаролари ва фуқаролиги бўлмаган шахсларнинг фарзанди Ўзбекистон Республикасида туғилган тақдирда, уларга Ўзбекистон Республикаси томонидан туғилганлик ҳақидаги гувоҳномалар берилса, Ўзбекистон Республикаси фуқаролари билан тенг равишда бола туғилганда бериладиган бир марталик нафақа (суюнчи пули) олиш ҳуқуқига эга бўладилар.