Тошкент аэропорти ноқулай об-ҳаво шароити туфайли ёпилди
20.12.2017 09:52,
15
20 декабрь куни эрталаб Ислом Каримов номидаги Тошкент аэропорти ноқулай об-ҳаво шароитлари туфайли ёпилди.
Ҳаво бандаргоҳи ҳудудида кучли туман кузатилди, кўриниш даражаси эса минимумдан паст деб топилди.
Аэропорт Истанбул, Минск, Санкт-Петербург, Тель-Авив, Бишкек ва Римдан рейсларни қабул қила олмади. Самолётлар Самарқанд ва Навоий аэропортларига қўнди. Захира аэродромларига Париж ва Лондондан рейслар, шунингдек, Turkish Airlines авиакомпанияси самолёти қайта йўналтирилди.