Жиззахда 6 киши ис газидан заҳарланди
21.11.2018 16:11,
11
Жиззахда олти киши ис газидан заҳарланиб, касалхонага ётқизилган. ИИВ Жамоатчилик ва оммавий ахборот воситалари билан алоқалар бошқармаси хабарига кўра, ҳодиса 20 ноябрь куни рўй берган.
Зарбдор туманида яшовчи Д.У. (аёл) уйида қўлбола иситиш печига уланган табиий газни ёқиб назоратсиз қолдирган. Натижада газ ўчиб қолиб, ундан сизиб чиққан ис газидан ўзи, қизи ва уйида меҳмонда бўлган 4 нафар қариндошлари заҳарланган.
Уларга касалхонада тиббий ёрдам кўрсатилиб, уйларига рухсат берилган.
Суриштирув ишлари олиб борилмоқда.