17 август куни Белорусда умумхалқ иш ташлаши эълон қилинди. Аввалроқ МТЗ (Минск трактор заводи), «Гродно Азот», МАЗ, «Белшина», БМЗ каби корхоналар бундан олдин ўзларининг иштирок этишларини эълон қилишди. 17 август куни эрталаб «Беларуськалий» ишчилари ҳам иш ташлаш эълон қилганликларини ва иш ташлаш қўмиталарини тузаётганликларини тасдиқладилар, деб хабар беради маҳаллий Tut.by нашри.
Жодино шаҳрида БелАЗ ишчилари ҳам иш ташлаш ҳақида хабар беришди.
Йиғилганларнинг барчаси мамлакатда янги сайловлар ўтказиш ва барча номзодларни қабул қилиш, барча сиёсий маҳбусларни озод қилиш ва мамлакатда зўравонлик қилганларни, шу жумладан Беларус ИИВ ва ОМОН раҳбарияти истефосини талаб қилмоқда.
Минск Трактор заводи (МТЗ) ишчилари душанба куни эрталаб кўчаларга чиқди ва Минск тиркамали трактор заводи (МЗКТ) томон йўл олди. Президент Александр Лукашенко МЗКТга айнан шу вақтда вертолёт билан келган. У билан кенжа ўғли Коля бирга эди.
МЗКТ ходимларининг Tut.by'га айтишича, президент барча ходимлар билан мулоқотга чиқмаган, балки цех олдида "танланган гуруҳ олдида" гаплашган. NEXTA каналининг хабар беришича, "махсус" ишчилар Лукашенко билан учрашиш учун олиб келинган.
Лукашенко, Беларусда иш ташлашларга қарамай, "умуман олганда фабрикалар ишламоқда" деб айтди ва фабрикаларда "кўчага чиқмаган" кўплаб "қўшимча" ишчилар борлигини таъкидлади.
"Мен биламан, кимлардир адашиб юришганига қарамай. Баъзи корхоналарда 150 киши, ҳатто 200 киши ҳам атмосферани ўзгартирмайди. Ким ишлашни хоҳласа, ишлашсин. Улар ишлашни хоҳламайдилар - яхши, биз уларни мажбур қилмаймиз", - дея мамлакатнинг "сайланган" президенти сўзларидан иқтибос келтиради БелТА давлат агентлиги.
МЗКТ киришида заводга етиб келган бошқа корхоналарнинг ишчилари Виктор Цойнинг "Перемен!" (Ўзгартир) қўшиғини ижро этишди. Намойишчилар "Музокаралар йўқ, фақат истеъфога чиқинг!" деган плакатларини ушлаб туришибди.
Лукашенко билан учрашувга ҳам борган ишчилар унга "Кет!" деб бақиришди.
Бунга жавобан Лукашенко: "Мен бу саволга жавоб бераман: сиз барибир бақира оласиз", деди. Шундан сўнг у эълон қилди: "Сиз ҳеч қачон мендан босим остида бирор нарса қилишимни кутманг! У ерда [сайловлар бўлмайди. МЗКТ ҳам, МАЗ ҳам, БелАЗ ҳам бўлмайди, биз олти ой ичида ҳамма нарсани йўқ қиламиз", - дея Лукашенко сўзларидан иқтибос келтирди "Интерфакс".
Мухолифат телеграм каналлари ишчиларни ҳар куни соат 18:00 да Минскдаги Мустақиллик майдонига тўплаш таклифлари ҳақида ёзмоқда. Аммо бу режалар иш ташлаш қўмиталари томонидан ҳали расман тасдиқланмаган.
"Биз вазиятни тинч йўл билан ҳал қилмоқчимиз ва тинчликни қўллаб-қувватламоқчимиз. Беларускалий каби корхонани тўхтатиш иқтисодиёт учун жиддий зарба: шифокорлар ва ўқитувчиларга маош тўлашлари, бюджетни тўлдиришлари керак. Биз буни жуда яхши тушунамиз, аммо расмийларга таъсир қилишнинг бошқа усули йўл", дейишди "Беларуськалий" ходимлари раҳбарият билан учрашувда.
Улар ишчиларни ўз талабларини ёзма равишда баён этишга, лекин ишлаб чиқаришни тўхтатмасликка чақирдилар. Ишчилар эса бунга рози бўлишмади.
"Бошқа чиқишнинг иложи йўқ! Бизни овоз беришдан, сайловлардан маҳрум қилишди, шундан кейин улар бизнинг болаларни ўлдиришни бошладилар! Бизнинг маошимиз - тартибсизлик полициясининг ўқлари!" - хабар беради Tut.by.