Ўзбекистоннинг Фарғона водийсида жойлашган вилоятларида 17 апрель куни соат 9:34 да ерости силкинишлари сезилди. Бу ҳақда ФВВнинг Республика Сейсмопрогностик мониторинг маркази хабар берди.
“Gazeta.uz”нинг аниқлик киритишича, зилзила эпицентри Наманган вилоятининг Уйчи тумани ҳудудида, Наманган шаҳридан 7 километр масофада жойлашган. Эпицентрда магнитуда 4 ни ташкил этган, зилзила ўчоғи 10 километр чуқурликда бўлгани айтилмоқда.
Шунингдек, ерости силкинишлари кучи Наманган шаҳрида 4 баллни, Андижон шаҳрида (зилзила эпицентридан 57 километр масофада) 2 баллни, Фарғона шаҳрида (71 километр масофада) 2 баллни ташкил этган.