Грузиянинг TBC Банки 2020 йилнинг 21 январида банк фаолиятини ташкил қилиш учун Марказий банкдан дастлабки рухсатномани олган эди.

Банкнинг Ўзбекистондаги фаолият стратегияси чакана, кичик ва ўрта даражадаги бизнес учун янги авлод банк хизматларининг экотизиминини яратишдан иборат деб ёзмоқда Spot нашри.

Асосий эътибор компаниянинг 2018 йилда ишлаб чиққан тўлиқ рақамли хизмат кўрсатадиган Space необанкига қаратилади.

Ўзбекистондаги банки учун компания халқаро молия институтлари (эҳтимол ЕТТБ ёки ХМК) ва маҳаллий ҳамкор (эҳтимол УзОман инвестицион компанияси)ни жалб қилишни режалаштирмоқда. Банкнинг 51 % акциялари грузин банки ихтиёрида бўлади.

Барча акциядорларнинг умумий бошланғич сармояси $ 40 миллион бўлиши кутилмоқда, компания инвестицияларни икки босқичга ажратишни режалаштирмоқда: лицензияни олишдан олдин $ 12 миллион ва ундан кейин $ 28 миллион.

Банк истеъмол кредитлари, автоулов кредитлари, омонат ва жорий ҳисобварақлардан бошлашни режалаштирмоқда. Кейинчалик микрокредитлар, кичик ва ўрта бизнес учун кредитлар ва кредитлар қўшилади.

TBC Bank биринчи йилда улар 6-8 миллион доллар зарар кўришини ва иккинчи йилда улар минусдан чиқиб кетишларини кутмоқда.