“Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида” Президент Фармони қабул қилинди. ​

Фармон билан жисмоний тарбия ва спорт тизимини ислоҳ қилишнинг 2025 йилгача асосий йўналишлари белгиланди.

Жумладан, жисмоний тарбия ва спорт билан мунтазам шуғулланаётган аҳолининг умумий сони 30 фоизгача, спорт ташкилот ва муассасаларида шуғулланаётган ёшларнинг умумий сони 20 фоизгача оширилади.

Шунингдек, 2020 йилдан бошлаб спорт соҳасида “Tashkent Marathon” халқаро марафони, “Save Aral” халқаро экомарафони, авторалли ва мотокросс спорт мусобақаларини тизимли ўтказиш орқали спорт туризми ривожлантирилади.