АҚШнинг Лондондаги элчихонаси ходимлари уч ойлик болани сўроқ қилди, уни бобоси виза анкетасини тўлдириш чоғида янглишиб, террорчи деб атаган эди, деб хабар қилмоқда Guardian.
Нашр маълумотларига кўра, уч ойлик Харви Кеньон-Кейрнснинг бобоси Америка визасини олиш учун унинг анкетасини тўлдириш вақтида «Террорчилик фаолияти, жосуслик, саботаж ёки геноцидга алоқангиз борми?» — деган саволга янглишиб, «ҳа» деб жавоб ёзган, натижада эса болани суҳбат учун элчихонага чақиришган. Бобо ва набира Флоридага саёҳатга чиқмоқчи бўлган.
"Мен улар бу хато эканини ва уч ойлик бола ҳеч кимга зарар етказмаслигини тушунишмаганидан ҳайратдаман", - дея Флоридага саёҳат қилмоқчи бўлган 62 ёшли Пол Кеньоннинг сўзларини келтиради газета.
Оила виза олиш учун дастлабки рад жавобидан сўнг яна 3000 фунт стерлинг тўлашига тўғри келган. Кеньоннинг ўзи хатоси жуда қимматга тушганини таъкидлади.