Декабр ойида бўлиб ўтиши кутилаётган Буюк Британия парламент сайлови олдидан ўтказилган иқлим мавзусидаги теледебатга амалдаги бош вазир Борис Жонсон келмади. Мунозара вақтида унинг ўриндиғига муздан ясалган ҳайкал қўйилди.
28 ноябр куни давлат телеканали бўлган Channel 4 глобал иқлим ўзгаришлари бўйича Британия сиёсий партиялари ўртасида теледебат ташкиллаштирди. Таклиф этилганлардан Консерваторлар партияси етакчиси Борис Жонсон ҳамда ўнг сиёсатчи, Brexit партияси етакчиси Найжел Фараж мунозарада қатнашишдан бош тортган. Телеканал эса уларнинг ўрнига Ер сайёраси шаклидаги эрийдиган муздан ясалган ҳайкалларини студияга қўйган.
Консерваторларнинг сайловлардаги эҳтимолий ғалабасидан кейин Channel 4 телеканалининг трансляция ҳуқуқи Британия оммавий ахборот воситаларига қўйиладиган “юқори стандартли” шартлар асосида қайта кўриб чиқилади.