Белорусда 301 соғлиқни сақлаш мутахассисларида Covid-19 коронавирус инфекцияси лабораторияда аниқланди. Бу ҳақда Соғлиқни сақлаш вазирлиги раҳбари Владимир Караник брифингда маълум қилди, деб хабар беради РБК.
Унинг сўзларига кўра, шифокорларнинг аксарияти Минскда, шунингдек, Минск ва Витебск вилоятларида юқтиришган ва бошқа вилоятларда инфекциянинг алоҳида ҳолатлари кузатилган. Кўпчилик шифокорларда касаллик симптомларсиз ўтиб кетади, уларнинг ҳеч бири механик шамоллатиш мосламаларига уланмаган.
Соғлиқни сақлаш вазирлигининг маълумотларига кўра, Беларусда коронавирус пандемияси бошлангандан бери 2226 та Covid-19 ҳолати қайд этилган, улардан 245 таси охирги суткада. 172 киши тузалди, 23 киши вафот этди.
Жаҳон соғлиқни сақлаш ташкилоти (ЖССТ) нинг республикадаги ваколатхонаси раҳбари Белорусда ҳолатлар кескин ошиши мумкинлигини айтди. Унинг сўзларига кўра, Беларус «коронавирус тарқалиши эволюциясида янги босқичга кирмоқда». У расмийларни инфекция тарқалишини камайтириш учун қўшимча чоралар кўришга чақирди.