Шифокорлар онкологик касалликлардан ҳам хавфли бўлган, ўлимга олиб келувчи бешта касаллик номини маълум қилди. Саратон (рак) ўсимталари илк босқичда аниқланганда кўп ҳолларда уни даволаш мумкин бўлса, бу касалликлар инсонга ҳеч қандай имконият қолдирмайди.

Улардан бири Крейтцфельдт-Якоб ёки “сигир қутуриши” касаллиги. Касаллик бош мия ва орқа мия, шунингдек, асаб тугунларига таъсир қилади, уларни секин-аста емириб боради. Бу охир-оқибатда беморни ҳаётий муҳим сезгиларсиз қолдиради.

Иккинчи ўринда ҳалокатга олиб борувчи уйқусизлик касаллиги қайд этилган. Бу генетик касаллик 7 ойдан 3 йилгача давом этиб, алаҳлаш (галллюцинация) ва даҳшатга тушишни келтириб чиқаради, шу вақт асносида инсонни секин-аста ўлдириб боради.

Шифокорлар тузган рўйхатдаги кейинги касаллик – қутуриш. Бу касаллик касал ҳайвон инсонни тишлаган вақтда унинг сўлаги (тупуги) орқали зарарланган терига ўтади. Яширин даври бир неча кундан уч ойгача давом этади. Касал ҳайвон тишлаган киши икки ҳафта давомида қутуришга қарши эмланмаса, қутуриш ортга қайтмайдиган босқичга ўтади ва бемор юракнинг тўхтаб қолиши ёки нафас етишмаслигидан ҳалок бўлади.

Ўлимга олиб келувчи яна бир касаллик – Марбург геморрогик жазаваси, унинг “яшил мартишка касаллиги” деган номи ҳам бор. Бу касаллик инфекцияси инсон организмига зарарланган тери ва шиллиқ пардалар орқали киради. Беморда тана ҳарорати кескин кўтарилади, бир неча кундан кейин қоринда оғриқ пайдо бўлади, иккинчи ҳафтага бориб заҳарли инфекция таъсирида ҳалок бўлади.

Сўнгги бешинчи касаллик “ривожланиб борувчи фибродисплозия” деб номланади. Бу касалликда мушаклар, тўқима ва бўғимлар секин-аста суякка айланиб боради. Бутун тана бўйлаб тери ости қаттиқлашиб боради, суякка айланган қисмни кесиб ташлаш фойдасиз – ўрнига янгидан суяк ўсиб чиқаверади.

Шу йил сентябр ойи бошларида Россия Соғлиқни сақлаш вазирлиги бош онкологи Андрей Карпин онкологик касалликлар ривожланишига қандай омиллар сабаб бўлиши ҳақида айтган, уларнинг орасида чекиш, ичкилик ичиш ва инсон папиллома вирусини санаб ўтган эди.