Биткоин майнинг қилиш (ишлаб чиқариш) тезлиги йил бошидан бери икки баравар кўпайди. Бундан ташқари сўнгги уч ойда криптобозорга 600 мингдан зиёд янги йирик майнерлар кириб келди. Бу криптобозордаги янги ўсишларни англатадими? Майнинг қилишга бўлган қизиқиш биткоин курсига қандай таъсир ўтказади?

Қанча кўп биткоин пайдо бўлса, кейингиларини қазиб олиш шунчалик қийинлашади. Бу янгироқ ва яхшироқ асбоб-ускуналар, шунингдек кўпроқ электроэнергия талаб қилади. Шу тариқа, биткоин ишлаб чиқариш қимматга тушади ва паст нархларда кириталадиган сармояларни оқламаслиги мумкин.

«Бундай вазиятда биткоин нархининг ошиши, майнернинг ишончи ва иштиёқи билан боғлиқ», — дейди Forex Optimum таҳлилчиси Иван Капустянский. “Улар келажакда криптовалюта ўсади ва уни юқори нархда сотиш мумкин бўлади деб умид қиладилар. Шу билан бирга биткоин соф спекулятив восита бўлиб, йирик ўйинчиларнинг ҳаракати нархларнинг тушиш ёки ошишига таъсир кўрсатади”.

«Буларнинг барчаси криптовалютага бўлган қизиқишнинг ортаётаганидан далолат беради», — деб ҳисоблайди XCritical компанияси асосчиси Яков Лившиц. Унинг прогнозларига кўра, йил охиригача биткоин нархи 12.5 – 13 минг $га етади.

«Агар ҳешрейт икки баравар кўпайган бўлса, демак кўплаб янги иштирокчилар бозорга кириб келмоқда», - деди Гайдар Ҳасанов. "Майнерлар оқими биткоинни сотиб олиш энди хавфли бўлиб бораётгани билан боғлиқ — ўсиш истиқболлари ҳали ҳам аниқ эмас. Биткоин курси, шунингдек, геосиёсий омиллар, жумладан, АҚШ ва Хитой ўртасидаги савдо урушлари билан боғлиқ. Айтишимиз мумкинки, можаронинг янги даври билан биткоин қийматининг ўсишини кутиш керак. Ушбу соҳада нисбатан тинчлик бор. Майнерлар танга сотиб олишни хоҳлашади, унинг нархи эса камроқ ёки барқарор. Биткоин аста-секин активлар ҳимоячиси бўлиб бормоқда, бу эса майнерларни криптовалюталарнинг ёрқин келажаги томон ишонишга ундайди".

Эслатиб ўтамиз, биржада ҳозир биткоиннинг баҳоси 10 228 $ни ташкил этади.