Дима Қаюм тахаллуси билан машҳур риштонлик блогер ва тадбиркор Дилшод Болтабоевга нисбатан босим бўлгани айтилмоқда. Бу ҳақда блогернинг ўзи тасдиқлади.
Кеча Риштон туманининг бузилган бозори ҳудудида тадбиркорнинг олдига бир гуруҳ аёллар келиб, “Бозор бузилишига сен айбдорсан”, “Бу ерга кутубхона қурмайсан” дейишди.
Унга тегишли телефонни ерга улоқтириб, ойнасини синдиришди.
Риштон тумани туман ҳокимининг тегишли қарори билан тадбиркорга янги лойиҳа бўйича енгил конструкцияли кутубхона биноси учун катта йўл бўйидаги аҳоли гавжум жойдан 56 м.кв. ер майдони ажратилган.
"Кутубхонани қуриш учун барча ҳужжатлар тайёр. Қаерга қурилиши ҳали аниқ бўлмаяпти. Шу сабаб кутубхона қурилиши орқага суриляпти", дейди блогер.
13 октябр куни Халқ шоири ва сенатор Иқбол Мирзо Риштонга келиб, бўлажак кутубхонанинг биринчи ғиштини ўз қўли билан жойлаштирганди.