Мамлакатимиз Бош Қомуси қабул қилинган сана арафасида Фарғона шаҳрининг марказий масканларидан бирида улкан байроқ ўрнатилди. Бу ҳақда вилоят ҳокимлиги матбуот хизмати хабар қилмоқда.

Баландлиги 67 метр, ҳажми 20:10 бўлган давлат байроғи Театр-концерт саройи хиёбонига ўрнатилган.

Давлат байроғининг ўрнатилганлиги муносабати билан ўтказилган тадбирда вилояти ҳокими Шуҳрат Ғаниев ҳам иштирок этган.

Фарғонада ўрнатилган байроқ аввалги рекордларни янгиланди.

Эслатиб ўтамиз, бундай улкан байроқлар барча вилоят марказлари ҳамда шаҳарларида ўрнатиб келинмоқда. Шундай байроқлар пойтахтимиз Тошкент шаҳрида (65 метр), Урганчда (66 метр), Андижон (64), Навоий (62.5), Каттақўрғон (62), Самарқанд (60) шаҳарларида ўрнатилган эди.