Жума куни кечаси Тошкентдан Дубайга томон учган Flydubai авиакомпаниясига тегишли Boeing 737-8KN самолёти носозлик туфайли Ўзбекистон пойтахтига қайтиб келди, деб хабар берган РИА Новости нашрига Тошкент аэропорти ходими.
Илгарироқ AviaSpotter Telegram-канали Flydubai авиакомпаниясига қарашли "Тошкент-Дубай" йўналиши бўйича 1942 рақамли рейсни амалга ошираётган Boeing 737-8KN самолёти соат 2.14 да Ўзбекистон пойтахтидан парвозни амалга оширганлиги, аммо 35 дақиқадан сўнг республика жанубидаги Қашқадарё вилояти осмонида бурилишни амалга ошириб, 3.20да Тошкентга келиб қўнгани ҳақида хабар берган эди.
"Flydubai рейси Тошкентга ҳаво кемасининг техник носозлиги туфайли қайтиб келган", - дея тушунтирган аэропорт ходими. Аэропорт вакили носозлик сабабларини айтолмаган.
Қўниш оддий тартибда амалга оширилган, барча йўловчилар аэропортда, деб қўшимча қилган у.
Flydubai вакилларидан изоҳ олиш бўйича қилинган ҳаракатлар натижасиз қолмоқда.