Ҳабиб билан Фергюсон жанги учун энг қиммат чиптанинг нархи маълум бўлди
30.01.2020 11:22,
6536
UFC енгил вазн тоифасидаги мутлақ жангларнинг амалдаги чемпиони Ҳабиб Нурмагомедовнинг америкалик аралаш услубдаги MMA жангчиси Тони Фергюсон билан бўладиган жанги учун чипталарнинг нархи маълум бўлди. Бу ҳақда ТAСС мусобақа ташкилотчиларига таяниб хабар берди.
Манбанинг таъкидлашича, энг қиммат чиптанинг нархи $11.157 долларни ташкил қилади. Бу эса миллий валютамизда тахминан 106.5 миллион сўмни ташкил этади. UFC клуби аъзолари учун энг арзон чиптанинг нархи $99 долларни ташкил қилади.
Эслатиб ўтамиз, спортчилар UFC 249-турнири доирасида 18 апрель куни AҚШнинг Бруклин шаҳрида жанг ўтказади.