Ўзбекистон билан АҚШ ўртасида етти йил муддатга уран етказиб бериш бўйича умумий қиймати 300 млн долларга тенг бўлган шартнома тузилди. Бу ҳақда 27 сентябрь куни Халқаро пресс-клубнинг навбатдаги сессиясида Ташқи савдо вазири Элёр Ғаниев маълум қилди.
«Бу узоқ муддатга мўлжалланган, ўта муҳим аҳамият касб этадиган шартнома», — дейди вазир.
Унинг таъкидлашича, ушбу келишувга уран концентранти етказиб берадиган бошқа мамлакатлар шартномаларига қараганда «анча фойдали шартлар» асосида эришилди.