Режиссёр Ҳамидулла Ҳасанов Иккинчи жаҳон уруши йилларида ўзбекистонлик бир юз бир аскарнинг мардона ва фожиали тақдири ҳақидаги ҳужжатли маълумотларга асосланган “101” фильмини суратга олди.
Маълум қилинишича, филмда бир юз бир нафар ўзбек аскари Амерсфорт шаҳридаги концлагерга немис фашистлари олиб келингани ҳақида сўз боради. Унда фашистлар голландларга ўзларининг кимлар билан курашаётганлари ва вермахт газеталари мақолаларида барча европаликларни чўчитиб келаётган Қизил Армия аскарлари аслида ким эканлигини кўрсатиш мақсадида олиб келганлиги таъкидланади.
Бу воқеа ҳақидаги янги тафсилотлар Ўзбекистон Ёзувчилар уюшмаси аъзолари Анвар Иргашев ва Юлия Медведовскаянинг шу номдаги – “101” романида чоп этилган ноёб тадқиқотлари натижасида олинган. “Бир юз бир ўзбек қаҳрамонининг Иккинчи жаҳон урушида қозонилган ғалабага қўшган бебаҳо ҳиссаси, оммавий қаҳрамонлиги бутун дунёдаги инсонлар хотирасида абадий сақланиб қолади!” – дейди сценарий муаллифи Юлия Медведовская.