Президент фармони билан бир гуруҳ ўзбекистонликларга «Ўзбекистон Қаҳрамони» унвони берилиб, олий нишон — «Олтин юлдуз» медали топширилади.

Ҳужжатда ушбу унвон мамлакат иқтисодий салоҳиятини мустаҳкамлаш, унинг шон-шуҳратини юксалтириш, туб ислоҳотлар жараёнидаги ташаббускорлик ва фидойилик, кўп йиллик самарали ва ибратли фаолияти ҳамда ижтимоий ҳаётдаги фаол иштироки учун берилгани қайд этилган.

Тақдирланганлар:

Муса Ерниязов — Қорақалпоғистон Республикаси Жўқорғи Кенгеси раиси;

Лола Муротова — Фарғона вилояти Олтиариқ тумани «Нурли обод» фермер хўжалиги бошлиғи;

Ҳасан Нормурадов — «Нуроний» жамғармаси Самарқанд вилояти бўлими раиси.