Бу ҳақда АОКА ҳузуридаги штабда ўтказилган брифингда Маҳалла ва оилани қўллаб-қувватлаш вазирлиги ахборот хизмати раҳбари Саодат Боймирзаева «Саховат ва кўмак» жамғармасига ҳомийлар ва ташкилотлар томонидан келиб тушган маблағлар ва уларнинг мақсадли сарфланиши бўйича маълумот берди:
Унга кўра, «Саховат ва кўмак» жамғармасига шу кунга қадар 194 млрд 625 миллион сўм маблағ келиб тушди. Улар эса:
- 300 минг 383 та оилага 118 миллиард 995 миллион сўмдан зиёд маблағ сарфланди. Жумладан:
- - 2 822 та оилага 399 млн 531 минг сўмлик дори, ҳимоя ниқоблари, антисептик воситалари учун;
- - 24 619 та оилага 9 млрд 626 млн сўмлик бошқа турдаги маҳсулотлар учун;
- - 67 296 та оилага 71 млрд 110 млн сўм миқдорида нақд пул кўринишда маблағлар берилди.
«USM Holdings» асосчиси Алишер Усмонов томонидан 5 млн. АҚШ доллари хайрия маблағи ўтказилди.
Ушбу маблағ Андижон, Наманган, Тошкент шаҳри ва Тошкент вилояти ҳокимликлари томонидан шакллантирилган 19009 нафар ижтимоий ҳимояга муҳтож фуқарога 2 500 000 сўмдан пластик карточкаларга кўчирилди.
Тошкент шаҳридаги 63 та маҳалладан 1515 нафар фуқарога 2 500 000 сўм маблағ пластик карточкаларга кўчирилди.