Сирдарё вилоятида “Ўзбекгидроэнерго” АЖ томонидан Сардоба сув омбори қошида кичик ГЭС қурилиши бошланди.
Лойиҳа амалга оширилиши 2020 - 2022 йилларга мўлжалланган бўлиб, умумий қиймати 21.3 миллион еврога тенг.
Инвестиция лойиҳаси Россия Федерациясининг “Росэксимбанки” томонидан тўғридан-тўғри хорижий кредитлар ҳисобига молиялаштирилиши режалаштирилган.
ГЭСнинг ўрнатилган умумий қуввати 10,7 МВтга тенг. ГЭСда 5,35 МВт дан иборат иккита гидроагрегат ўрнатилиши режалаштирилган. Йиллик ишлаб чиқариш қуввати 41,1 миллион кВт.соатга тенг.