Таиланд қироли Маха Вачиралонгкорн “зарарли ҳулқи” учун олти нафар амалдорни бўшатди.
Ишдан бўшатилганлар орасида битта аёл, қирол саройининг икки қўриқчиси ва юқори лавозимадаги полициячи бор.
Улар ноўрин хатти-ҳаракатлар ва монархга хиёнат қилиш ҳамда мансаб ваколатини суиистеъмол қилишда айбланмоқда.
Шу ҳафтада Таиланд қироли кутилмаган қарори билан бутун дунёни ҳайратда қолдирди, у рафиқаси Сининат Вонгважирапакдининг барча унвонларидан маҳрум этди. Қирол малика мақомини олишга ҳаракат қилгани учун рафиқасини барча унвонларидан маҳрум қилган.