Тожикистонда мактаб ва боғчалар 10 майга қадар ёпилди
25.04.2020 15:15,
715
Душанбе шаҳрида барча мактаб ва боғчалар учун 27 апрелдан 10 майга қадар таътил эълон қилинди. Бу ҳақда маҳаллий Asia-plus нашри хабар бермоқда.
Душанбе таълим бошқармаси хабарига кўра, бу давр мобайнида барча мактаб ва боғчалар дезинфексия қилинади.
Шу билан бирга, олий ва ўрта махсус таълим муассасаларида ўқиш давом эттирилади.
Режадан ташқари таътиллар Тожикистоннинг бошқа минтақаларидаги мактаб ва болалар боғчаларида ҳам жорий этилади.
Бундан ташқари мамлакатда кинотеатр ва театрлар фаолияти вақтинча тўхтатиб турилади.
Ҳозирда Душанбе шаҳар кўчалари ва магистрал йўлларида кенг миқёсли дезинфекциялаш ишлари олиб борилмоқда.
Расмий маълумотларга кўра Тожикистонда Covid-19 коронавирус ҳолати қайд этилмаган.