Вашингтонда карантин қоидаларидан норози 2000 киши митингга тўпланди

Вашингтонда карантин қоидаларидан норози 2000 киши митингга тўпланди

АҚШда 2 дан 2,5 минггача одам Вашингтон штатининг пойтахти Капитолийда коронавирус тарқалиши шароитида уйда қолиш тартибини бекор қилишни талаб қилиб оммавий митингга тўпланди, деб ёзади РИА Новости. 

Газета таъкидлашича, чекловлар май ойининг тўртинчи кунига қадар амал қилади, аммо улар муддати узайтирилиши мумкин. Ҳозирда штатда қарийб 12 минг коронавирус ҳолати қайд этилган.

Митинг «Республикачилар» партияси томонидан уюштирилди.

Митинг штат губернатори Жей Инзлининг буйруғи ҳамда тиббиёт ходимлари тавсияларига зид равишда ташкил қилинди. Кўпчилик ижтимоий масофаланиш қоидаларига амал қилмаган ҳамда тиббиёт ниқоблари тақмаган.

Штат губернатори митингга қарши чиқди.

«Мен сўз эркинлигини қўллаб-қувватлайман. Аммо оломон бўлиб тўпланиш ҳозирда тўғри эмас. Бу сиёсат ҳақида эмас. Вашингтон аҳолисининг соғлиғини ҳимоя қилиш учун энг яхшисини қилишимиз керак», - деди Инзли.