Йўл ҳаракати хавфсизлиги бош бошқармаси йўл ҳаракати иштирокчиларини эҳтиёткорликка чақирди.
Шу кунларда республикамиз ҳудудида об-ҳаво ўзгариб, баъзи жойларда қалин туман тушиши оқибатида автомобиль йўлларида кўриниш чекланмоқда. Бу эса йўл ҳаракати қатнашчилари учун бир қатор ноқулайликларни келтириб чиқариши, йўл-транспорт ҳодисалари содир этилишига сабаб бўлиши мумкин, дейилади ИИВ Ахборот хизмати хабарида.
Шу сабабли, барча ҳайдовчилардан транспорт воситасини бошқариш пайтида мураккаб об-ҳаво шароитини ҳисобга олишларини, зарурат бўлмаганда тунги вақтларда ҳаракатланмасликни, тезлик талабларига қатъий амал қилишларини, пиёдалардан йўлни кесиб ўтишда ўта ҳушёр бўлишларини, катталардан йўлларда болаларнинг ҳаракатини назоратга олишларини сўраймиз.