Hozirda Livanda bo‘lib turgan Rossiya Favqulodda vaziyatlar vazirligi qutqaruvchilari Bayrut portidagi vayronalardan yana ikki jabrlanuvchining jasadini olib chiqdi, deb xabar beradi "Gazeta" nashri.
Portlashda halok bo‘lganlar soni esa 173 taga etdi.
4 avgust kuni Bayrut shahridagi portda kuchli portlash sodir bo‘ldi. Fojia natijasida 5 mingdan ortiq odam jarohat oldi, 300 mingdan ortiq kishi boshpanasiz qoldi. Livan Bosh vaziri Hasan Diabning aytishicha, portlashga 2750 tonna ammiakli selitraning noto‘g‘ri saqlanishi sabab bo‘lgan. Qo‘shni binolarning derazalari, shuningdek portlash sodir bo‘lgan joydan bir necha kilometr radiusda joylashgan binolardagi derazalar singan, binolarning bir qismi vayron bo‘lgan.