Minsk YeXHT va Moskvaga mamlakatdagi siyosiy inqirozni hal qilishning o‘z versiyasini taqdim etdi, deya xabar bermoqda RBK manbalariga tayanib. Nashrning yozishicha, rejada 2022 yilgacha konstitutsiyaviy islohotlar, hukumat va parlament foydasiga prezident hokimiyatining zaiflashishi va Asosiy qonunga tuzatishlar kiritilganidan keyin qayta prezident saylovlari o‘tkazilishi ko‘zda tutilgan.
Rejani 28 avgust kuni Venada bo‘lib o‘tgan YeXHT Doimiy Kengashining maxsus yig‘ilishida Belorus vakili Andrey Lozovik taqdim etdi. Konstitutsiyaviy islohot - amaldagi prezidentning besh yillik muddati tugashidan oldin yangi saylovlarni o‘tkazishning yagona usuli, dedi u. Lozovik rasmiylar muxolifat bilan muzokaralarga kirishmoqchi emasligini ta’kidladi.
Minsk vakili, shuningdek, rejalashtirilgan konstitutsiyaviy islohotlarning ba’zi tafsilotlarini oshkor qildi: jarayon milliy muloqot formatida bo‘lib o‘tadi, prezident vakolatlarining bir qismi parlamentga o‘tkaziladi. Bundan tashqari, partiyalar tizimi o‘zgartiriladi - partiyalarning o‘rni oshadi va saylov qonunchiligiga o‘zgartirishlar kiritiladi.
Avvalroq Belorus prezidenti Aleksandr Lukashenko 1994 yilgi konstitutsiyaga qaytishga qarshi ekanligini aytdi - asosiy hujjat, yangitdan ishlab chiqilishini aytdi. 1994 yilgi konstitutsiya prezident bo‘lishni ikki muddatdan ko‘proq taqiqlagan va muxolifat unga qaytishni yoqlagan. Ommaviy norozilik namoyishlari boshlangandan so‘ng Lukashenko yangi konstitutsiya qabul qilinganidan keyingina vakolatlarni o‘tkazishga ruxsat berdi, "ammo ko‘cha bo‘ylab yurib emas".
Lukashenko yangi prezident saylovlari o‘tkazish shartlarini ma’lum qildi
Yangilangan konstitutsiya loyihasi, Lukashenkoning so‘zlariga ko‘ra, "ular o‘ynashlari, o‘zlarining fikrlarini, nimalarni yoqtirganlarini, yoqtirmasliklarini, o‘z qarashlarini bildirishlari uchun" jamoatchilik muhokamasiga qo‘yiladi. Hozirda mutaxassislar, shu jumladan Konstitutsiyaviy sud sudyalari asosiy qonunga o‘zgartirishlar kiritish ustida ish olib bormoqda, dedi u.
Agar Minsk so‘rasa, Rossiya konstitutsiyaga o‘zgartirishlar kiritish tajribasini Belorus bilan o‘rtoqlashishi mumkin, degan edi 31 avgust kuni Kreml vakili Dmitriy Peskov. Rossiya Belorusga tuzatishlarning mohiyati to‘g‘risida maslahat bera oladimi degan savolga Peskov salbiy javob berdi va bu belaruslarning ishi ekanligini ta’kidladi.