Eronning Jamaran harbiy-dengiz flot frigati mashqlar paytida o‘z kemasiga o‘q uzdi. Bu haqda mahalliy yarim rasmiy Tasnim axborot agentligi siyosiy bo‘limining direktori Mahdi Baxtiyoriy tvitter sahifasida ma’lum qildi.
Uning so‘zlariga ko‘ra, fojia Ummon ko‘rfazida bo‘lgan. Kemaga qarshi raketa Konarak yordamchi kemasiga zarba bergan.
Hodisa oqibatida o‘nlab odamlar jarohat oldi, ulardan kamida ikkitasi vafot etdi. Ma’lum qilinishicha, Konarak voqea natijasida cho‘kib ketgan.
Hozircha ushbu ma’lumotlar Eron harbiy kuchlari tomonidan rasman tasdiqlangani yo‘q.
Jamaran - Moudge sinfining yetakchi frigat bo‘lib, 2010 yilda ishga tushirilgan va Eron harbiy flotidagi eng zamonaviy lark kemalardan biri hisoblanadi. Xitoyda ishlab chiqarilgan kemaga qarshi raketalar, torpedalar va bir nechta avtomatlar bilan qurollangan. Ekipaji 140 kishidan iborat.