Mahalla va oilani qo‘llab-quvvatlash vazirining matbuot kotibi Saodat Boymirzayeva quyidagilarni ma’lum qildi:
Yil boshidan 7 857 ta oilaviy ajralishlar ro‘yxatga olindi. 2020 yilda jami 49 811 ta nikoh va 7 857 ta ajralish qayd etilgan.
Ajrashishlarni qayd etilgan nikohga nisbati (koeffitsiyenti) – 15,8%. 2019 yilning mos davriga (8 019 ta) nisbatan 162 taga kamaygan.
Ajrimlar sababi:
- oilaviy kelishmovchilik (50,5%),
- farzandsizlik (16,3%),
- uzoq vaqt birga oila bo‘lib yashamaslik (10%),
- migratsiya (2,8%),
- xiyonat (3,4%),
- boshqa sabablar (17,0%).
Karantin davrida oilaviy kelishmovchiliklar ortib boryapti degan nuqtai nazar noto‘g‘ri. Aksincha, ushbu sinovli kunlar oilalar, mahallalarda noyoblashib qolgan mehr-oqibatni qaytardi, hamjihatlik, o‘zaro daxldorlik hissi ortdi.
MAVZUGA DOIR: Karantindan keyin Xitoyda ajrashishlar soni ortdi
Bu yilgi Ramazon esa sinovli kunlarga to‘g‘ri kelgani bilan 2 karra ahamiyati yuqori. Aminmizki – ushbu oyda oilalarimizni turli salbiy holatlar, o‘zaro kelishmovchiliklar tark etib, oilaviy ajrim yoqasida turgan oilalar ham yarashib, oilalarda va mahallalarda hamjihatlik, halovat muhiti qaror topadi, dedi Saodat Boymirzayeva.