Marg‘ilonlik usta Lacetti'dan Ferrari yasadi (foto)

Marg‘ilonlik usta Lacetti'dan Ferrari yasadi (foto)

Marg‘ilonlik usta o‘zining Lacetti avtomobilidan Ferrari'ga o‘xshash bo‘lgan avtomobil yasadi. Bu haqida Facebookdagi “Voditeli Tashkenta” guruhida Akbar Murodov ismliy foydalanuvchi xabar qilgan.

Xabarda avtomobil old, yon va orqa tomondan olingan suratlari joylashtirilgan. Guruh a’zolari ushbu rasmlarni turlicha kutib olishdi, kimdir hazil aralash bu yigitni darrov “O‘zvtoprom”ga boshliq qilish kerak, desa boshqalar YHXB bunday avtomobilga oddiy yo‘llardan harakat qilishiga ruxsat berarmikan deb xavotir olgan.

Nima bo‘lganda ham, yigitga qoyil qolish kerak. Axir noldan boshlab butun boshli avtomobil yasash uchun qancha vaqt, kuch va mablag‘ kerak. Biroz oldin Samarqand va Buxoroda ham ana shunday entuziast yigitlar Ferrari avtomobili yasashga kirishishgan edi.