Milliy teleradio-kompaniya raisi Alisher Xo‘jayev o‘zining Facebook sahifasi orqali zarur mahsulotlar va xizmatlarni uyga yetkazish bilan shug‘ullanadigan kompaniyalar haqidagi e’lonlar MTRKda bepul joylashtirilishini ma’lum qildi.
Yangi direktor o‘z tashabbusini “koronavirusga qarshi kurashni qo‘llab-quvvatlash hamda yurtdoshlarimiz hozirgi davrda uyda o‘tirishlarini rag‘batlantirish maqsadida” amalga oshirayotganini aytgan.
Reklama e’lonlari epidemiologik vaziyat barqaror bo‘lguniga qadar MTRK telekanallarida bepul joylashtiriladi.