Myanmadagi konda ko‘chki yuzaga keldi va natijada kamida 50 kishi halok bo‘ldi. Bu haqda Xitoyning Sinxua agentligi mahalliy hokimyat vakiliga tayanib xabar bermoqda.

Ko‘chki yuzaga kelgan nefrit koni mamlakat shimolidagi Kachin shtatida joylashgan edi.

Agentlik ma’lumotlariga ko‘ra, hozirgi vaqtda kon ichida ko‘plab odamlar qamalda qolgan.

Mahalliy o‘t o‘chirish bo‘limining xabar berishicha, kuchli yog‘ingarchilik ko‘chkiga sabab bo‘lgan.