O‘zbekiston Malayziyaga bodom eksport qilishni yo‘lga qo‘yadi. Kuni kecha Namangan viloyatiga Baraka Istithmar savdo-sanoat kompaniyasi rahbari Abdullax Yusuf Al Kadxi tashrif buyurdi. U viloyat hokimining birinchi o‘rinbosari va fermerlik xo‘jaligi rahbarlari bilan muzokara o‘tkazdi.

Uchrashuv chog‘ida O‘zbekiston bodomini Malayziyaning Baraka Istithmar brendi savdo tarmog‘iga yetkazib berish bo‘yicha eksport shartnomasi imzolandi.

Shartnoma qiymati ikki million dollarni tashkil qildi.

Bundan avval Baraka Istithmar kompaniyasi Xorazm viloyatidan qurutilgan mevalarni Malaziyaga eksport qilishga kelishib olgandi.