Turkmanistonning ECO-93 import benzini birinchi marta O‘zbekiston respublika tovar-xom ashyo birjasining birja savdolariga chiqarildi. Bu haqda O‘zRTXB matbuot xizmati xabar bermoqda.
Avtobenzinni 2011 yil Qashqadaryo viloyatida ro‘yxatdan o‘tgan Nara-Komfort Servis MChJ yetkazib beradi. Tovarning boshlang‘ich narxi 100 kilogramm uchun 600 ming so‘mni tashkil etadi. Bir tonna benzin o‘rtacha 1293-1370 litrdan iborat.
Birja savdolarida ishtirok etish uchun O‘zRTXB AJda onlayn akkreditatsiyadan o‘tish va birjaning brokeri bilan shartnoma tuzish lozim.
YeSO-93 avtobenzini Turkmanistonda 2019 yildan buyon ishlab chiqariladi. YeSO-93 avtobenzinidan foydalanilganda zararli chiqindilar miqdori – oltingugurt oksidi 50 barobar, azot oksidi – 5 barobar, uglerod oksidi – 2 barobar, uglevodorod 20 foizgacha kamayadi.