Rossiya federal yo‘lovchi tashish kompaniyasi yangi turdagi vagonlarning 3 xil turdagi loyihasini taqdim qildi, deb yozmoqda lenta.ru.

Birinchi konsepsiya hozirgi vagonlardan biroz farq qiladi. Masalan, ikkita pastki bo‘lma (polka)lar tepasida bitta yuqori bo‘lma hamda stol mavjud. Biroq yon o‘rindiq yo‘lovchilari uchun bunday qulayliklar bo‘lmaydi.

Ikkinchi variant qisman yakka tartibdagi sayyohlarga mo‘ljallangan kapsulali mehmonxonalarni eslatadi. Bo‘lmalar uzunligi hozirgisidan 20 sm.ga uzunroq bo‘ladi.

Uchinchi loyiha ham kapsulali ko‘rinishda bo‘ladi. Yuqori va pastki qavatlar 10 santimetrga uzaytiriladi.

Bundan tashqari, yo‘lovchilarga personal xizmat ko‘rsatish uchun individual rozetka va havo harorati sozlagichlari (regulyatori) o‘rnatiladi. Shuningdek, bepul xizmat ko‘rsatiladigan ichimlik suvlari va dushlar, shaxsiy seyflar va dam olish xonalari ham vagon ichida bo‘ladi.