May oyining boshida Qozog‘istonda COVID-19 koronavirus infeksiyasi xavfi kamaygach karantin choralari pasaytirilgandan so‘ng, mamlakatda har kuni aniqlangan infeksiyalar soni yetti baravar ko‘paydi. Bu haqda Qozog‘iston prezidenti Qosim-Jomart Tokayev videokonferensiya orqali o‘tkazgan yig‘ilishida ma’lum qildi. 

"Mavjud epidemiologik vaziyatni barqarorlashtirish maqsadida shoshilinch choralarni ko‘rish uchun Davlat komissiyasiga shu yilning mart-may oylarida kuchga kirgan kabi qattiq karantin joriy etish bo‘yicha ikki kun ichida taklifni ishlab chiqishni va menga taqdim etishni topshiraman", - dedi prezident.

Uning so‘zlariga ko‘ra, kasallikning ko‘payishi "markaziy va mahalliy darajadagi davlat boshqaruvi tizimi favqulodda holatlardan tashqarida samarali ishlashga tayyorlanmaganligi" bilan izohlandi. Natijada, COVID-19 ning yangi o‘choqlari paydo bo‘ldi (faqatgina Tengiz neft va gaz konida 1222 ta yuqtirish holati aniqlandi), ko‘plab shifokorlar Olmaotada kasal bo‘lib qoldilar va bir qator viloyatlarda kasalxonalar krovatlari, dori-darmonlar va tibbiy jihozlarning «keskin» yetishmovchiligi yuzaga keldi.

Uchrashuv davomida Tokayev uchta viloyat hamda mamlakatning eng yirik shaharlari - Nur-Sulton va Olmaota rahbarlariga tanbeh berdi.