Toshkent shahar Turizmni rivojlantirish departamenti O‘zbekiston Respublikasi Madaniyat vazirligi qoshidagi Madaniyat va san’atni rivojlantirish jamg‘armasi bilan hamkorlikda poytaxtimizdagi turistlar orasida mashhur bo‘lgan madaniy meros ob’yektlariga olib boruvchi yo‘llar bo‘yida 2 xil tildagi (o‘zbek va ingliz tillarida), belgilangan standartlarga muvofiq turistik yo‘l ko‘rsatgichlari o‘rnatish ishlari boshladi.

Departamenti matbuot xizmatining ma’lum qilishicha, bu nafaqat turistlar, balki mahalliy aholi va poytaxtimiz mehmonlariga qulaylik yaratgan holda mo‘ljallagan manzillariga tez va oson yetib olishlari uchun keng imkoniyat beradi.

Shu kabi loyihalarni davomiyligini ta’minlash maqsadida joriy yilning yakuniga qadar Toshkent shahridagi turistlar ko‘p tashrif buyuradigan Madaniy meros ob’yektlarida jami 90 ta turistik yo‘l ko‘rsatkichlarini o‘rnatish rejalashtirilmoqda.