AQSh prezidenti Donald Tramp Iroq va Afg‘onistondagi harbiylar soni kamaytirilishi haqida e’lon qiladi, dedi jurnalistlarga AQSh ma’muriyatining yuqori martabali vakili.
"Vakilning so‘zlariga ko‘ra, ertaga Iroqdan qo‘shinlarni olib chiqib ketish to‘g‘risida e’lonni kutsa bo‘ladi va yaqin kunlarda - Afg‘onistonga oid yana bir e’lon bo‘ladi", - deyiladi xabarda.
Iroq va Afg‘onistondagi avvalgi prezidentlar tomonidan boshlangan urushlarni tugatish haqidagi va’dalar Trampning saylovoldi dasturining asosiy omili edi.
Joriy yilning fevral oyida Doha shahrida Tolibon bilan imzolangan kelishuv shartlaridan biri AQSh qo‘shinlarining mamlakatni tark etishi edi.