AQSh prezidenti Donald Tramp Tolibonning Qatardagi siyosiy vakolatxonasi rahbari mulla Barodar Axund bilan telefon orqali suhbatlashdi.

AQSh prezidenti ilk marotaba Tolibonning yetakchi rahbarlaridan biri bilan suhbatlashdi deb yozmoqda Reuters.

Suhbat Afg‘oniston qamoqxonalarida saqlanayotgan mahbuslarning ozod etilishi to‘g‘risida bo‘ldi.

Eslatib o‘tamiz, Afg‘onistondagi rasmiy hukumat qamoqxonalarida 5000 Tolibon jangchilari saqlanmoqda. Dohada imzolangan tinchlik shartnomasiga ko‘ra, ular Tolibon qo‘lida saqlanayotgan 1000 dan ziyod siyosiy mahbuslar evaziga almashtirilishi kerak.

Qo‘ng‘rioq haqida birinchi bo‘lib Tolibon matbuot kotibi Tvitterda e’lon qildi. Keyinroq uni Donald Tramp ham tasdiqladi.

Mavzuga doir: AQSh «Tolibon»dan terrorchi maqomini olib tashlashni so‘rab BMTga murojaat qildi​