Ukrainaning Lutsk shahrida qurollangan kishi ichida 20 nafar yo‘lovchisi bo‘lgan avtobusni yo‘lovchilari bilan garovga oldi. Mamlakat Prezidenti Vladimir Zelenskiy vaziyatni shaxsan o‘z nazoratiga oldi va ukrain politsiyasi jinoiy ish ochdi. RBK nashri ushbu hodisaga oid fotojamlanma tayyorladi. Quyida shuni e’tiboringizga havola etamiz.

21 iyul kuni ertalab noma’lum erkak Volinsk viloyati Lutsk shahridagi yo‘lovchi tashuvchi avtobusni garovga oldi.

Erkakning o‘zi politsiyaga qo‘ng‘iroq qilib avtobusni garovga olganini xabar qildi.

Shaharda "Garovga olingan" operativ rejasi e’lon qilindi, shahar markazi yopildi.

Politsiya ma’lumotlariga ko‘ra, garovga olgan shaxsda portlovchi modda va qurol bor.

Politsiya erkak bilan muzokaralar o‘tkazishga kirishdi.

Jinoyatchining muddaosi noma’lum. Volinsk viloyati politsiya boshlig‘i so‘zlariga ko‘ra, u avvalroq ijtimoiy tarmoqlarda "Ukrainadagi tizimdan" noroziligi haqida yozgan.

Avtobusdagi garovga oluvchilar va garovdagilarning aniq soni noma’lum.

Politsiya Ukraina Jinoyat kodeksining 147 moddasi 2 qismi (garovga olish) moddasi bilan jinoiy ish ochdi.