Туркия президенти Ражаб Тоййиб Эрдўған Германияда яшаб келаётган туркияликларни мамлакатнинг амалдаги канцлери, ХДИ/ХИИ (Христиан демократик иттифоқ/Христиан ижтимоий иттифоқ) партиялар альянси раҳбари Ангела Меркель ва ИДП (Ижтимоий-демократик партия) етакчиси Мартин Шульцга овоз бермасликка чақирди. Бу ҳақида Hurriyet Daily News хабар берди.
«Айни пайтда Германияда Социал-демократик партия ва Христиан-демократик иттифоқ Туркияни танқид қилсам, кўп овоз тўплайман деб ўйлайди. Германиядаги барча ватандошларга айтаман, бу партияларни ҳеч қачон қўллаб-қувватламанг. Уларни ва «яшиллар»ни қўллаб-қувватламанг. Уларнинг бари — Туркиянинг душманлари», — деди Эрдўғaн Истанбулда журналистлар билан уюштирилган суҳбатда.
У Туркияга душманлик кайфиятида бўлмаган германиялик сиёсатчиларни қўллаб-қувватлаш лозимлигини таъкидлаб ўтди.