Ўзбекистон Миллий телерадиокомпанияси раиси Бобир Алихонов эгаллаб турган лавозимидан озод этилган. Бу ҳақда ҳукуматдаги ишончли манбаларига асосланиб “Дарё” хабар қилади.
Бобир Алихонов апрель ойидан буён компания раисининг биринчи ўринбосари сифатида фаолият кўрсатиб келаётган эди. У 2 август куни лавозимдан озод этилган Хуршид Мирзоҳидов ўрнига раҳбар бўлганди.
Нашр тарқатган хабарга кўра, Ўзбекистон Президенти матбуот котиби Асаджон Хўжаев ҳам ўз лавозимидан озод этилган. У жорий йилнинг март ойидан буён ушбу лавозимда фаолият юритиб келаётганди.