Саудия Арабистонида 12 декабрда аксилкоррупцион тергов доирасида сўроқ қилиниш учун ҳибсга олинган фаластинлик миллиардер Сабиҳ ал-Масрий озод этилди. У Ар-Риёддаги уйига қайтган. Бу ҳақда миллиардернинг оиласига яқин манбаларга иқтибос келтирган ҳолда Reuters ахборот агентлиги хабар берди. У яқин орада мамлакатни тарк этиш имкониятига эга бўлиши кутилмоқда.    

Ал-Масрий Саудия Арабистонида бошланган коррупцияга қарши кампания доирасида ушланган эди. У 12 декабрь куни коррупцияда гумонланиб ҳибсга олинди. Аммо миллиардерга нисбатан айбловлар илгари сурилмади, у тез орада қўйиб юборилди.

Ал-Масрий Arab Bank банки раиси ҳисобланади. Банк штаб-квартираси Иордания пойтахти Омманда жойлашган. Шунингдек, у Zara Investment Holding асосчисидир.

Ноябрь охирида Саудия Арабистонида коррупцияга қарши кампания бошланган эди. Коррупцияда гумон билан ҳаммаси бўлиб 159 киши, жумладан, қироллик оиласи аъзолари хибсга олинган.