Россияда Ўзбекистон фуқароси Янги йил байрамини нишонлаш чоғида заҳарланиб ўлди

03.01.2018 | Жаҳон | 2987

Россиянинг Санкт-Петербург шаҳрида Ўзбекистон фуқароси Янги йил байрамини нишонлаш чоғида заҳарланиб ўлди.

Хабарларга кўра, уч нафар ўзбекистонлик байрам дастурхони учун ароқ сотиб олган. Сифатсиз ароқни ичган эркаклар заҳарланган. Улардан бири ҳаётдан кўз юмган.

Айтилишича, уларни квартираларидан топиб олишган. Шифокорлар ва полиция етиб келганида ўзбекистонликлардан бирининг жони узилиб бўлган эди.

Криминалистлар ароқнинг қолдиқларини экспертизага йўллади.

Улфатлар 23, 25 ва 26 ёшда эди. 23 ёшли марҳумнинг танаси суд экспертизаси мутахассислари томонидан текширилмоқда.