Россияда сиëсий маҳбуслар сони кескин кўпайиб бормоқда
6.03.2018 19:05,
11
"Мемориал" инсон ҳақлари марказининг 6 март кунги баëнотида айтилишича¸ кейинги тўрт ой ичида Россия томонидан аннексия қилинган Қримдаги сиëсий маҳбуслар сони 26 тага кўпайган.
Марказ эълон қилган Россиядаги сиëсий маҳбусларнинг янгиланган рўйхатига жами 143 одамнинг исми-шарифи киритилган ва улар орасида қримликлардан ташқари Россия мухолифати фаоллари ҳам бор.
Украина президентининг қрим татар халқи бўйича махсус вакили Мустафо Жамилев 31 январь куни Европарламентда қилган чиқишида Россия Қримни босиб олганидан бери 49 одам ўғирлангани, 16 одамнинг бедарак кетгани ва қийноқларга солинган 6 одамнинг жасади топилганини билдирган эди.