Грузия Республикаси Президенти Ўзбекистонга ҳамдардлик билдирди
3.09.2016 01:34,
8
Грузия давлат раҳбари Георгий Маргвелашвили Ўзбекистон президенти Ислом Каримов вафоти муносабати билан ҳамдардлик билдирди, деб хабар берди РИА Новости.
"Ўзбекистон Президенти жаноб Ислом Каримовнинг вафоти муносабати билан чуқур таъзиямни изҳор қиламан. Жаноб Ислом Каримов энг қийин даврда мамлакатни бошқариб, Ўзбекистон унинг етакчилигида сезиларли тараққиёт ва фаровонликка эришди. Президент оиласи ва Ўзбекистон халқига Грузия халқи ва шахсан ўз номимдан ҳамдардлик билдираман. Ишонаманки, Ислом Каримов номи тарихда ўзининг муносиб ўрнини эгаллайди", — дейилади президентнинг расмий сайтида эълон қилинган хабарда.