Жон Керри Россияга қўйилган санкцияларни олиб ташлаш шартларини айтди
27.03.2016 10:58,
5
АҚШ Давлат котиби Жон Керри Москвада бўлиб ўтган музокараларда, агар Украина бўйича “Минск-2” келишуви тўлиқ бажариладиган бўлса, Барак Обама Россиядан санкцияларни олиб ташлашга тайёрлигини маълум қилди, Бу ҳақда "Sputnik" хабар берган.
"Президент Обама “Минск келишуви”нинг барча пунктлари бажарилган тақдирда, яъни Украинадан ҳарбий техникалар ва аскарлар олиб чиқилса ва мамлакатга суверенитети қайтарилса, Россиядан санкцияларни олиб ташлашга ваъда берди”, — деди Керри бўлиб ўтган музокаралар якунидан сўнг.
"Сўнгги йилларда Россия ва АҚШ ўртасида турли масалаларда келишмовчиликлар бўлгани ҳеч кимга сир эмас. Аммо, бугунги музокаралар ҳаммаси ижобий томонга ўзгараётганини кўрсатмоқда”, — деб қўшимча қилди АҚШ Давлат котиби.