Интернет технологиялари соҳасида фаолият кўрсатувчи энг йирик компаниялар – Facebook, Microsoft, Twitter ва YouTube ўз сайтлари орқали экстремистик мазмундаги расмлар ва видеолар тарқалишини тўхтатиш мақсадида ҳамкорлик қилмоқчи.
Бу мақсадда яратиладиган махсус база ёрдамида сайтга юкланаётган маъмуотлар кузатиб борилади. Экстремистик мазмундаги маълумот пайдо бўлиши билан, тарқаб кетмасиданоқ, сайтдан ўчириб юборилади.
Вақт ўтиши билан экстремистик материаллар тарқалишига қарши курашишни ният қилган бошқа компаниялар ҳам мазкур маълумотлар базасига уланиши мумкин бўлади.