Истанбулдаги теракт ижрочиси Қирғизистон фуқароси эканлиги ойдинлашди
3.01.2017 15:26,
8
TRT World давлат телеканалида намойиш этилган хабарларга кўра, 1 январь куни Истанбулнинг Бешиктош туманидаги Reina тунги клубида юз берган терактни ИШИДга ёлланган Қирғизистон фуқароси 28 ёшли Яҳё Машрапов амалга оширган. Лекин бу маълумот ҳозирча расман тасдиқланмаган.
Эслатиб ўтамиз, маҳаллий вақт билан соат 01:15да Истанбулнинг Бешиктош туманидаги тунги клубига қорбобо кийимидаги террорчи ҳужум қилди. Унинг ўқ узиши оқибатида 39 киши ҳалок бўлди, 69 киши яраланди.
Теракт оқибатида ҳалок бўлганлар ва яраланганлар орасида чет эл давлатлари фуқаролари ҳам бор.
Ҳодиса жойига зудлик билан полициячилар етиб келган, бироқ террорчи қочиб кетган.